check in 前必知 | 6 類必須 寄艙手信

幾唔想都好，大家去旅行身邊總有人會叫你幫佢買嘢，又或者自己都要買好多手信送畀公司同事、朋友、家人同親戚。買齊手信完成歷史性任務後，大家要小心去到機場唔好衰收尾，要記得咩手信係要寄艙啊 ！

文：Sammi | 資料來源： 香港國際機場

01 | 護膚品－液體過 100ml 記得寄艙

無論你去咩國家，一定會有人想托大家買當地有名嘅護膚品。但係大家要記住 100 毫升以上嘅液體就要寄艙。因為每名旅客只可攜帶每項總容量不得超過 100 毫升嘅液體上機，並載於一個容量不超過 1 公升的可再封口透明膠袋內。

所以如果大家的手信係以下咁多項，而又超過 100 毫升就要寄艙喇！

• 凝膠狀物體，如髮膠或沐浴露

• 乳霜及液體，如太陽油或香體露

• 膏狀物體，如牙膏或凡士林

• 壓縮泡沫及噴霧，如剃鬚泡沫或壓縮香體露

• 液體化妝品，如粉底或唇彩

© 由 New Media Group Digital Services Limited 提供 seoul alex feature

02 | 食物篇－膏狀食物都要寄艙

自己又好，身邊朋友係食貨又好！都好想帶當地的特產返屋企比自己自私食或者開心分享。但大家都要注意以下的食物一定要寄艙。

• 飲料，例如水、湯、糖漿、果醬、燉煮的食物、醬汁

• 膏狀的食物 ，例如乳酪、布甸、和啫喱

• 在醬汁中或含有液體的食物，例如泡菜

• 漁產品（包括魚類及若干甲殼類動物如蝦、龍蝦、非鮮活青口及非鮮活蠔）方面，旅客可攜帶合共不超過 20 公斤的有關產品，或一條重量達 20 公斤或以上的魚。

• 可攜帶不多於 2 公斤的嬰兒奶粉、嬰兒食品及醫療用特殊食品／特殊寵物食品

小提示：為顧及其他旅客，味道強烈的食物，包括榴槤及大樹菠羅，某些航空公司，如國泰航空是禁止遊客攜帶的，不管是手提及寄艙行李。

© 由 New Media Group Digital Services Limited 提供 寄艙手信1

03 | 尖端或鋒利邊緣的物品

眉毛剪、鼻毛剪或者買當地的小型萬用刀的話，就要留意唔係咩刀都可以帶上機！基本上好多尖端或鋒利邊緣的物品都比人列入違禁物品，可以帶上機的都一定要寄艙：

• 眉毛剪、鼻毛剪等美容用剪刀、攜帶型裁縫組的剪刀等小剪刀，小剪刀係刀身要小於6 cm

© 由 New Media Group Digital Services Limited 提供 寄艙手信6

• 美體刀等小剃刀，小剃刀係刀身要小於4cm

• T 字型刮鬍刀

• 指甲剪

• 美工刀

© 由 New Media Group Digital Services Limited 提供 寄艙手信2

04 | 自拍神器

自拍神器好好用，但都要寄艙，因為附有刀刃或附有長度大於6 厘米的軸杆並能被用作武器的工具。不過現時有不少自拍神器內置電源，而新例下，大部分有內置電源的物品都要放入手提行李，不想之後麻煩最好先問清楚航空公司的做法。

© 由 New Media Group Digital Services Limited 提供 001

05 | 大型樂器必須寄艙

可能大家會買樂器送比人，不過大型樂器係要寄艙，但點先要寄艙？就係樂器尺寸超過 93 x 39 x 24 厘米 或 36 x 15 x 9 英吋（高 x 闊 x 深，重量超過 7 公斤，即係15 磅。）

小提示：尺寸同重量的量度包括樂器箱。

© 由 New Media Group Digital Services Limited 提供 寄艙手信4

06 | 單車

杜如風去名古屋都介紹單車零件專賣店- Order Made Shop Riderz café。如果你朋友係單車控，就點都要寄艙，但要注意以下事項先可以將單車寄艙，

• 非電動旅行用或單座比賽用單車

• 把手固定於兩側或與車架平衡並以泡沫塑料或類似物料包裹

• 腳踏被移除或固定於車架上並以泡沫塑料或類似物料包裹

• 輪胎已放氣

• 已裝入堅硬的保護盒或單車盒中

© 由 New Media Group Digital Services Limited 提供 寄艙手信 5