傳同杜如風拍拖十年 黃又南：係友誼，唔係愛
組合Shine徐天佑與黃又南，繼2012年的《Shine Passion Live》跨年騷後，敵逢今年係佢哋出道15年，兩人覺得ready可以再喺紅館開個唱，於是入紙申請6次，終成功取得紅館檔期，Shine將於3月2及3日再踏紅館舉行第二次《Shine Moments Live 2018》紅館演唱會，二人事業有成，講到感情生活，Shine嘅黃又南同杜如風相識於微時，有傳曾在07年拍拖，但只拍了一年就分手，講到似層層！不過黃又南就堅稱係流料：「梗係假啦，同佢太熟嘞！大家都清楚係友誼，唔係愛，好肯定唔會！」但講到傳聞中的珠寶商千金，黃又南就留有餘地話：「有待發展，但依家真係單身！」
撰文：東方新地
黃又南 27歲開始諗結婚
眼見Shine拍檔徐天佑已結婚兩年多，問到黃又南幾時娶老婆？他笑言：「最先諗結婚係我諗先，因為我好想有家庭，我廿七歲已經開始諗！」直言自己現在是單身：「我廿八歲儲錢、plan三十歲結婚、生兩個小朋友，點知廿九歲就同圈外女朋友分手，發覺有啲嘢冇得去plan，但如果發生(指結婚)，我唔會隱瞞！」問到對象係咪杜如風？黃又南搞笑話：「我同佢直情結埋婚、生埋仔啦！」隨即解釋指跟杜如風自小住在同屋苑，熟到不能再熟，但大家都清楚不會發展成戀人：「同佢太熟嘞！大家都清楚係友誼，唔係愛，好肯定唔會！」
徐天佑已升呢做人夫，黃又南話自己都好想有個家庭
。
黃又南指跟杜如風自小住在同屋苑，熟到不能再熟。
但當講到早前傳緋聞的珠寶店老闆莊哲猛千金Sarah Zhuang（莊莎娜）時，黃又南就含蓄表示「有待發展」。
拒認媾女王
對於被報道為媾女王，黃又南指駕車是其一大嗜好，而不是載男便是載女，對報道經常指他駕車媾女感啼笑皆非：「講真嚟嚟去去咪嗰幾個，女助手都當一個，我試過我家姐坐我隔籬都話係女朋友，冇得講啦！」身旁徐天佑就幫口吐苦水：「所以依家我喺大陸拍戲都好驚，出出入入，有件企喺隔籬就話係，就算我唔識佢都可以話係，路人都可以入你數！我試過喺屋企樓下，個記者搵個女仔企我附近影張相，就話個女仔喺我屋企玩通宵，咁都得！」
黃又南指揸車唔係載男就載女，但自己每次車上有女乘客就會傳緋聞，令他啼笑皆非。
Shine黃又南和徐天佑相隔五年，將於今年三月再次合體開騷。
2015年與吳千語拍電影《王家欣》攞到《美國加洲獨立電影節》傑出男主角獎。
2016年與陸永拍檔演《殭》獲讚生鬼搞笑。
最近在大熱劇《誇世代》中，黃又南客串演秦煌年輕版，同陳瀅做一對。
![主演同名小说改编《秘密结晶》 石原聪美:舞台剧很有趣]({"default":{"load":"default","w":"73","h":"52","src":"//img-s-msn-com.akamaized.net/tenant/amp/entityid/BBIWb7F.img?h=521&w=728&m=6&q=60&o=f&l=f&x=691&y=436"},"size3column":{"load":"default","w":"62","h":"45","src":"//img-s-msn-com.akamaized.net/tenant/amp/entityid/BBIWb7F.img?h=447&w=624&m=6&q=60&o=f&l=f&x=691&y=436"},"size2column":{"load":"default","w":"62","h":"45","src":"//img-s-msn-com.akamaized.net/tenant/amp/entityid/BBIWb7F.img?h=447&w=624&m=6&q=60&o=f&l=f&x=691&y=436"}})
